தமிழகமே ஆவலுடன் எதிர்பார்க்கும் திரௌபதி இன்று முதல் உங்கள் திரையரங்குகளில்

தமிழகமே ஆவலுடன் எதிர்பார்க்கும் திரௌபதி இன்று முதல் உங்கள் திரையரங்குகளில்.

சாதி காதலை மையமாக வைத்து பல தமிழ்ப்படங்களை சினிமாக் களம் கண்டது. அவையெல்லாம் சில உண்மைகளை மறைத்து ஒரு பக்கமாக ஒரு சாராருக்காக எடுக்கப்பட்ட திரைப்படங்களாகும். இவற்றில் சமுதாயத்தின் உண்மை நிலையினையும் நடுநிலையையும் கடைப்பிடிக்கத் தவறின இந்த திரைப்படங்கள்.

இத்தகைய சூழ்நிலையில் சாதிக் காதலில் உண்மைகளை வெளிச்சம் போட்டுக் காட்ட இருக்கும் திரைப்படமாக வெளிவர இருப்பது திரௌபதி. இந்த படத்தின் ட்ரெய்லர் சனவரி மூன்றாம் தேதி வெளியிடப்பட்டது.

இந்த ட்ரெய்லர் வெளியிடப்பட்டது முதல் இதில் இடம்பெற்ற வசனங்கள் அனைத்தும் தீயாக பரப்பதாக சமுதாயத்தில் விவாதிக்கப்பட்டது. இதனால் இந்தப் படம் பெரும்பான்மையான மக்களிடையே பெரும் பரபரப்பையும் எதிர்பார்ப்பையும் ஏற்படுத்தியுள்ளது. இதனால், இதன் ட்ரெய்லர் 4 மில்லியன் பார்வைகளைக் கடந்து 5 மில்லியனை நெருங்கிக் கொண்டிருக்கிறது.

இந்த நிலையில் அனைவரும் ஆவலுடன் எதிர்பார்த்துக் கொண்டிருக்கும் இந்த திரைப்படம் பிப்ரவரி 28 ஆம் தேதி வெளியிடப்படும் என்று திரைப்படக்குழு அறிவித்திருந்தது. திட்டமிட்டபடியே இன்று முதல் இந்த திரைப்படம் உலகமெங்கும் திரையரங்குகளில் திரையிடப்படும்.

திரௌபதி நாளை முதல் மிரட்டுவாள் என்று அதன் இயக்குநர் தெரிவித்துள்ளார்.

சூப்பர் ஸ்டார் ரஜினிகாந்த் நடிக்கும் டிஸ்கவரி சானலின் இன் டு தி வைல்ட் நிகழ்ச்சியின் தேதி அறிவிப்பு. டீசர் வெளியீடு

சூப்பர் ஸ்டார் ரஜினிகாந்த் நடிக்கும் டிஸ்கவரி சானலின் இன் டு தி வைல்ட் நிகழ்ச்சியின் தேதி அறிவிப்பு. டீசர் வெளியீடு

கடந்த சில வாரங்களுக்கு முன்பு சனவரி மாதத்தில் சூப்பர் ஸ்டார் ரஜினிகாந்த் நடிக்கும் டிஸ்கவரி சானலின் நிகழ்ச்சி ஒன்று படிப்பிடிப்பிற்க்காக திரு ரஜினிகாந்த் அவர்கள் தமிழ்நாடு கர்நாடகா எல்லைப்பகுதியில் உள்ள பந்திப்பூர் வனப்பகுதிக்கு சென்று, அங்கு படப்பிடிப்பு நடைபெற்ற செய்தி வெளிவந்தது.

இந்த நிலையில் திரு ரஜினிகாந்த் அவர்கள் நடித்து ஏஆர் முருகதாஸ் இயக்கத்தில் தர்பார் திரைப்படம் வெளிவந்து ரசிகர்களை உற்சாகப்படுத்தியது. தற்போது சன் பிக்சர்ஸ் தயாரிப்பில் இயக்குநர் சிவாவின் இயக்கத்தில் அண்ணாத்த என்ற படத்தில் திரு ரஜினிகாந்த் அவர்கள் நடித்து வருகிறார்கள்.

இந்நிலையில், டிஸ்கவரி சானலின் “இன் டு தி வைல்ட்” (Into the Wild) என்ற நிகழ்ச்சி வரும் மார்ச் மாதம் 23 ஆம் தேதி மாலை 8 மணிக்கு டிஸ்கவரி சானலில் ஒளிபரப்பாகும் என்ற தகவலை வெளியிட்டுள்ளது. இதில் திரு ரஜினிகாந்த் அவர்கள் பியர் கிரில்ஸ் அவர்களோடு இணைந்து நடித்துள்ளார்கள்.

#ThalaivaOnDiscovery

https://twitter.com/DiscoveryIN/status/1232870470032117760

போர் தர்மமும் இந்தியாவில் நடந்த இரு வேறு உலகங்களின் போர்களும்

போர் தர்மமும் இந்தியாவில் நடந்த இரு வேறு உலகங்களின் போர்களும்

இங்கிலாந்து என்பது ஒரு சிறிய நாடு. அந்த நாட்டிலிருந்து வந்தவர்கள் மிகப் பெரிய இந்திய துணைக்கண்டத்தை எப்படிப் பிடித்து ஆட்சி செய்தார்கள்? வெறும் சில ஆயிரக்கணக்கான ஆங்கிலேயர்கள் முப்பது கோடி கொண்ட இந்திய மக்களை ஆட்சி செய்தது எப்படி? இன்றைய தலைமுறையினரால் கேட்கப்படும் கேள்விகள் இவை. மிகவும் வியப்பாகவே இருக்கிறது. சில ஆயிரம் ஆங்கிலேயர்களால் முப்பது கோடி மக்களை போரில் வென்று ஆட்சி செய்தது எப்படி?

கேள்வி மிக நியாயமாகவும் எளிமையாகவும் இருந்தாலும், இதற்கு ஒரே வரியில் பதில் அளித்துவிட முடியாது. இந்தியா முழுவதும் ஒருமித்த நாடாக ஒரு அரசரின் கீழ் இல்லை என்பது பிரதான காரணமாக இருந்தாலும், பல்வேறு துணைக் காரணங்களும் உள்ளன. பல ஆயிரமாயிரம் ஆண்டுகளாக தனித்தனியே வாழ்ந்த இரு வேறு உலகங்கள் இங்கு விரைவான போக்குவரத்து வசதிகள் பெருகிய காரணங்களால் சந்திக்கின்றன. இரு வேறு பண்பாடுகளும் பழக்கங்களும் ஒழுக்க நடைமுறைகளும் கொண்டு நாடுகள் சந்திக்கும் போது எத்தனை குழப்பம் நிகழும் என்பதற்க்குச் சான்று தான் நம் நாட்டின் வரலாறு.

இதை முழுமையாக இங்கு ஆராய இயலாது என்ற காரணத்தினால் ஒரு சில முக்கிய பகுதிகளை மட்டும் இந்த பதிவில் வெளிச்சம் போட்டுக் காட்டுகிறேன். இதில் முக்கியமான ஒன்று தான், போர் தர்மம். அதாவது போர் நடக்கும் போது கடைப்பிடக்கப்பட வேண்டிய விதிகள். தர்மம் என்ற சொல் நம் பாரத நாட்டில் உருவானது. தர்மம் என்றால் என்ன என்று விளக்கவே தனி பதிவு எழுத வேண்டும். பெரும்பாலும் சரியானதைச் செய்வது என்ற பொருளில் வரும். யாருக்கும் ஒரு பக்கமாக ஆதரவாக இல்லாமல், நடுநிலையாக இருப்பது தர்மம். தர்மம் என்பது கடைப்பிடிக்க வேண்டிய விதிகளின் தொகுப்பாகும். அந்தக் காலத்தில் போர் செய்யும் போது கூட சில விதிகளைக் கடைப்பிடிக்க வேண்டும் என்று வகுத்துக் கொடுக்கப்பட்டது தான் போர் தர்மம். புராணங்களில் கூட இந்த தர்மம் சொல்லப்பட்டிருக்கிறது. அவற்றில் சில இங்கே.

சூரியன் உதித்த பின்னர் போர் ஆரம்பித்து, சூரியன் மறையும் போது போரை நிறுத்திவிட வேண்டும். இரவில் போர் புரியக் கூடாது.

பலர் சேர்ந்து ஒருவரைத் தாக்கக்கூடாது.

இரண்டு பேர் ஒரே மாதிரியான ஆயுதங்கள் வைத்திருந்தால் மட்டுமே நீண்ட நேரம் சண்டை செய்யலாம்.

ஒரு போர் வீரன் சரணடைந்து விட்டால், அந்த போர் வீரனை தாக்கவோ, காயப்படுத்தவோ, கொல்லவோ கூடவே கூடாது.

ஒருவர் சரணடைந்து விட்டால், அவர் போர்க்கைதியாக கருதப்படுகிறார். போர்க் கைதித்கான பாதுகாப்பு அவருக்கு வழங்கப்பட வேண்டும்.

ஆயுதம் இல்லாமல் நிராயுதபாணியாக நிற்கும் வீரர் ஒருவரை தாக்கவோ, காயப்படுத்தவோ, கொல்லவோ கூடாது. அவருடன் சண்டையிடக் கூடாது.

மயக்கம் அடைந்த நிலையில் ஓர் போர் வீரர் இருந்தால், அவரைத் தாக்கவோ, காயப்படுத்தவோ, கொல்லவோ கூடாது.

போரில் ஈடுபடாத பொதுமக்களையோ, விலங்குகளையோ ஒருவர் தாக்கக்வோ, கொல்லவோ கூடாது.

போர்க்களத்தில் புறமுதுகு காட்டிச் செல்லும் ஒரு வீரரைத் துரத்திச் சென்று தாக்கவோ கொல்லவோ கூடாது.

போரில் எந்த விலங்குகளையும், அதாவது எதிரி நாட்டு விலங்குகளாக இருந்தாலும் கூட, தனக்கு நேரடியாக ஆபத்து இல்லாத நேரத்தில் தாக்கவோ கொல்லவோ கூடாது.

ஒவ்வொரு ஆயுதத்தை பயன்படுத்துவதற்க்கும் விதி முறைகள் வகுக்கப்பட்டுள்ளன. அதைக் கடைப்பிடிக்க வேண்டும். மீறக் கூடாது. உதாரணமாக, தண்டாயுதம் போன்ற கருவிகளைப் பயன்படுத்தும் போது எதிரியின் இடுப்புக்குக் கீழே தாக்கக்கூடாது.

அநியாயமான போரில் எவ்வகையிலும் எப்போதும் ஈடுபடக்கூடாது.

போர்க்கைதிகள், பெண்கள் மற்றும் விவசாயிகள் ஆகியோரின் உயிர்கள் மிகவும் புனிதமாக கருதப்பட்டது. ஆகவே, இவர்களை எப்போது தாக்கவே கூடாது.

நில அபகரிப்பு செய்யக் கூடாது.

எத்தனையோ ஆயிரம் ஆண்டு காலமாக நாம் இந்த பாரதநாட்டில் இந்த போர் தர்மத்தைக் கடைப்பிடித்து வந்தோம். புராண காலத்திலும் இந்த தர்மம் கடைப்பிடிக்கப்பட்டிருப்பது புராண வரலாற்றிலேயே குறிப்பிடப்பட்டுள்ளது. விதிகள் என்று இருந்தால், விதிமீறல் இருக்கத்தான் செய்யும். அது இயற்கை. சில விதமீறல்களை புறந்தள்ளிப் பார்த்தோமேயானால், இந்த போர் தர்மத்தைக் கடைப்பிடித்தே நம் நாட்டில் போர் நடைபெற்றிருக்கிறது. போரில் கூட தர்மத்தை மையமாக வைத்துப் போரிட்ட நமது நாடு தான் எத்தனை உயர்ந்தது ? நமது முன்னோர்கள் தான் எத்தனை உயர்ந்தவர்கள் ? பூமியின் வரலாற்றிலேயே இத்தனை உயர்ந்த கொள்கை எங்குமே கிடையாது.

இப்படி நாம் போர் தர்மத்தைக் கடைப்பிடித்து போர் செய்து வாழ்ந்த காலத்திலே தான், அரபு நாடுகளில் இருந்தும் ஐரோப்பிய நாடுகளில் இருந்தும், இந்திய நாட்டைப் பற்றிக் கேள்விப்பட்டு, அது உலகிலேயே செல்வம் கொழிக்கும் முதல் நாடாக இருப்பதைக் கேள்விப்பட்டும் இந்த நாட்டைக் கொள்ளையடிக்க போர் தொடுத்த வர ஆரம்பித்தனர். அவர்களுக்கு போர் தர்மம் என்று எதுவுமே கிடையாது. அவர்களுக்கு வெற்றி என்ற ஒன்று மட்டுமே உண்டு. அந்த வெற்றியை எப்படியாவது பறிக்கலாம் என்ற ஒரே விதி மட்டுமே. இதனால் தான், மிகுந்த மூர்க்கமான தாக்குதல்கள், இரவு நேரங்களில் அனைவரும் தூங்கிக் கொண்டிருக்கும் போது பூனை போல பதுங்கி படையெடுத்து முதுகில் குத்தித் தாக்குதல்கள், ஈவு இரக்கம் ஏதும் இல்லாமல் தாக்குதல், பெண்களைச் சூறையாடுதல், நிலங்களை அபகரித்தல், கொள்ளையடித்தல் என்று காட்டுமிராண்டித்தனமான ஓர் போர் முறையோடு அவர்கள் பாரத நாட்டை நோக்கி வந்து போரிட்டார்கள்.

இந்த இரண்டு வேறு உலகமும் 14 ஆம் நூற்றாண்டு முதல் 21 ஆண் நூற்றாண்டு வரை சந்தித்து இன்றும் போராடிக் கொண்டிருக்கின்றன. வெளிநாடுகளில் இருந்து வந்தவர்கள் எல்லாம் திரும்பி தங்கள் நாட்டுக்கே ஓடிவிட்ட போதிலும், அவர்கள் இங்கிருந்த நம் பெண்களோடு இணைந்தும், அவர்கள் கொள்கைகளையும், மதங்களைப் பரப்பி நம் மக்களில் சிலரை மாற்றியும் அவர்களின் விதைகளை விதைத்துச் சென்றுள்ளனர். அந்த விதைகள் தங்களின் அறியாமையால், இங்கு தொடர்ந்து அவர்களுக்காக அவர்களின் இனமாக, இங்கு போராடி வருகின்றன. இங்குள்ளவர்களை வெளிநாட்டில் உள்ளவர்கள் ஏற்றுக் கொள்ளமாட்டார்கள் என்பது தெரிந்தும் தொடர்ந்து வாழ்ந்து வருவது உலகின் எட்டாவது அதிசயமாகும்.

திரௌபதி பிப்ரவரி 28 ஆம் தேதி வெளியீடு

திரௌபதி பிப்ரவரி 28 ஆம் தேதி வெளியீடு

சாதி காதலை மையமாக வைத்து பல தமிழ்ப்படங்களை சினிமாக் களம் கண்டது. அவையெல்லாம் சில உண்மைகளை மறைத்து ஒரு பக்கமாக எடுக்கப்பட்ட திரைப்படங்களாகும்.

இத்தகைய சூழ்நிலையில் சாதிக் காதலில் உண்மைகளை வெளிச்சம் போட்டுக் காட்ட இருக்கும் திரைப்படமாக வெளிவர இருப்பது திரௌபதி. இந்த படத்தின் ட்ரெய்லர் சனவரி மூன்றாம் தேதி வெளியிடப்பட்டது.

இந்த ட்ரெய்லர் வெளியிடப்பட்டது முதல் இதில் இடம்பெற்ற வசனங்கள் அனைத்தும் தீயாக பரப்பதாக சமுதாயத்தில் விவாதிக்கப்பட்டது. இதனால் இந்தப் படம் பெரும்பான்மையான மக்களிடையே பெரும் பரபரப்பையும் எதிர்பார்ப்பையும் ஏற்படுத்தியுள்ளது. இதனால், இதன் ட்ரெய்லர் 4 மில்லியன் பார்வைகளைக் கடந்து 5 மில்லியனை நெருங்கிக் கொண்டிருக்கிறது.

இதனிடையே இந்தப் படம் தற்போது பிப்ரவரி 28 ஆம் தேதி வெளியிப்படப் போவதாக அறிவிப்பு வந்துள்ளது. இந்த படத்திற்கு நல்ல வரவேற்பு இருப்பது தெரிகிறது.

உலகின் 5 ஆவது பெரிய பொருளாதாரமாக இந்தியா முன்னேற்றம். இங்கிலாந்து பிரான்ஸை முந்தியது.

உலகின் 5 ஆவது பெரிய பொருளாதாரமாக இந்தியா முன்னேற்றம். இங்கிலாந்து பிரான்ஸை முந்தியது.

இந்தியா 2.94 ட்ரில்லியன் அமெரிக்க டாலர் மதிப்புள்ள உலகின் ஐந்தாவது பெரிய பொருளாதாரமாக முன்னேறியுள்ளது என்று அமெரிக்க ஆய்வு நிறுவனம் தனது ஆய்வறிக்கையில் குறிப்பிட்டுள்ளது.

இங்கிலாந்து நாட்டின் பொருளாதாரத்தின் மதிப்பு 2.83 ட்ரில்லியன் அமெரிக்கடாலர், மற்றும் பிரான்ஸ் நாட்டின் மதிப்பு 2.81 ட்ரில்லியன் அமெரிக்கடாலர். இதனால், இந்த இரண்டு நாடுகளையும் முந்தி ஏழாவது இடத்தில் இருந்து ஐந்தாவது இடத்திற்க்கு இந்தியா முன்னேறியுள்ளது.

மேலும் இந்தியாவின் மொத்த உள்நாட்டு உற்பத்தி வாங்கும் திறன் நிலை (GDP PPP) 10.51 ட்ரில்லியன் டாலராக உயர்ந்துள்ளது என்றும் தெரிவித்துள்ளது. இது ஜப்பான் மற்றும் ஜெர்மனியை விட அதிகமாகும். இந்தியாவின் அதிக மக்கள் தொகையால், தனி நபர் வருவாய் 2,170 அமெரிக்க டாலராகும். இதே தொகை அமெரிக்காவுக்கு, 62,794 டாலராகும்.

இந்திய பொருளாதாரத்தை மேம்படுத்த எடுக்கப்பட்ட பல்வேறு முயற்சிகள் தற்போது பலனளித்து வருவதால் இந்த வளர்ச்சி என்று குறிப்பிட்டுள்ளது.

இந்தியாவின் சேவைத் துறை தான் உலகிலேயே மிகவும் வேகமாக வளர்ந்து வரும் துறை என்றும், இது நம் பொருளாதாரத்தில் 60 சதவிகித பங்கும், 28 சதவிகித வேலைவாய்ப்பு அளிப்பதாகவும் அந்த ஆய்வறிக்கை தெரிவிக்கிறது.

ரோடு பெருசாத்தான் இருக்கு. ஆனால் போக முடியல. கார் நிறுத்தி வச்சிருக்காங்க. விபத்து வேற.

ரோடு பெருசாத்தான் இருக்கு. ஆனால் போக முடியல. கார் நிறுத்தி வச்சிருக்காங்க. விபத்து வேற.

பெரிய நகரங்களில் இன்று போக்குவரத்து மிகுந்த சவாலாக இருக்கிறது. ஒரு இடத்தில் இருந்து இன்னொரு இடத்திற்க்குச் செல்லும் நேரம் அதிகமாகிக் கொண்டே இருக்கிறது. இதனால் பல வாகனங்கள் வீணாக எரிபொருளை எரித்து வீணாக்கி மாசுக்களை ஏற்படுத்தவோடு ஒவ்வொருவரையும் ரோட்டிலேயே அதிக நேரம் நிற்க வைத்து ஒவ்வொருவரின் உற்பத்தி அளவைக் கணிசமாகக் குறைத்துவிடுகிறது. இது நம் பொருளாதாரத்தில் மிகுந்த ஒரு தாக்கத்தை ஏற்படுத்துகிறது.

சவாலான பல போக்குவரத்து பிரச்சனைகளையும் சமாளித்து நம் காவல்துறை மிகுந்த கவனத்துடன் சிறப்பான பணியாற்றி வருகிறது. ஆனால், காவல்துறை மட்டுமே அனைத்தையும் செய்ய இயலுமா ? வாகன ஓட்டிகளுக்கு என்று ஒரு பொறுப்பு இருக்கிறது. அதை அனைவரும் கடைப்பிடிக்க வேண்டாமா ?

இன்றைய போக்குவரத்து நெரிசல் காரணமாக இருக்க ஒரு முக்கிய காரணம், சாலையை போக்குவரத்துக்கு பயன்படுத்தாமல், வாகனங்களை நிறுத்தி வைக்கும் வாகன நிறுத்தும் இடமாக பயன்படுத்துவதால் தான். சாலைகள் என்னமோ 100 அடி, 160 அடி, 80 அடி என்று அகலமாகத் தான் இருக்கும். ஆனால், சாலைகள் எத்தனை அடி அகலமாக இருந்தாலும், ஒரே ஒரு நான்கு சக்கர வாகனம் செல்ல மட்டும் இடம் கொடுத்துவிட்டு மற்ற இடங்களில் எல்லாம் தங்கள் வாகனத்தை நிறுத்தி வைத்துக் கொள்கிறார்கள். சிறு சிறு சாலைகளில் செய்தால் கூட பரவாயில்லை, பிரதான சாலைகளிலேயே மிகவும் குறுகிய இடத்தில் கூட கொஞ்சம் கூட கவலையில்லாமல் வைத்துக் கொள்கிறார்கள். நிமிடத்திற்க்கு 100 க்கும் மேற்பட்ட வாகனங்கள் செல்லும் சாலையிலேயே தைரியமாக தங்கள் கார்களை நிறுத்தி வைத்துக் கொள்கிறார்கள். லட்சம் பேர் கஷ்டப்பட்டாலும் பரவாயில்லை, என் கார் இங்கு நின்றால் போதும் என்ற சுயநல மனப்பான்மை எத்தகைய கீழ்த்தரமானது?

ஒரு சிலரின் சுயநல மனப்பான்மையும் அலட்சியமும் பலருக்குத் தொந்தரவாக இருப்பது நம் சமுதாயத்தில் தான். இன்னும் ஒரு சிலர் ஒரு படி மேலே போய், வாகனத்தில் இருந்தபடியே கடைக்காரர்களிடம் பொருட்களை வாங்குவதும், காசு கொடுப்பதுமான காட்சி மிகவும் வேதனைக்குரியது. சாலைகளில் நிறுத்தப்படும் கார்களை சிறிது தூரம் தள்ளி போக்குவரத்திற்க்கு இடைஞ்சலாக இல்லாமல் நிறுத்த முடியும். ஆனாலும் செய்ய மாட்டேன் என்கிறார்கள். கார்களை நிறுத்திவிட்டு சிறிது தூரம் நடந்தால் என்ன ஆகிவிடும் ? உடலில் 10 கிலோ குறைந்து விடுமோ என்னவோ ?

இது பல விபத்துக்கள் நடப்பதற்க்கு முக்கிய காரணமாகவும் அமைகிறது. ஆனால், இதை யாரும் உன்னிப்பாக கவனித்துப் பொருட்படுத்துவதே இல்லை. இரண்டு வாகனங்கள் எதிர் எதிரே செல்லும் செல்லும் அளவு சாலையில் இடம் இருந்தும், ஒரு வாகனத்தை நிறுத்தி வைப்பதால், ஒரு வாகனம் மட்டுமே செல்ல இடம் இருக்கும். எதிர் எதிரே வரும் வாகனங்கள் யார் முதலில் இந்த இடத்தில் நுழைவது என்ற குழப்பத்தில் விபத்து நேர்ந்துவிடுகிறது. இவர்கள் இருவரும் குடுமிப்பிடி சண்டை போடுகிறார்கள். ஆனால், இந்த விபத்துக்கு மூல காரணமான, சாலையில் நிறுத்தி வைக்கப்பட்டிருந்த வாகனத்தையும் அதன் உரிமையாளரையும் மறந்தே போய் விடுகிறார்கள்.

நிறைய ஆட்டோக்களும் இவ்வாறு நிறுத்தி வைக்கப்பட்டோ, அல்லது சவாரி தேடி மெதுவாக சென்றோ சாலையின் உட்தடங்களை முடக்கி பல விபத்துக்கள் ஏற்பட காரணாக இருக்கிறது.

சென்ற ஆண்டு நந்தனம் அருகே நடைபெற்ற இந்த சாலை விபத்து காணொளியை கூர்ந்து கவனியுங்கள். காமிராவிற்க்கு முன்னால் இரண்டு வாகனங்கள், ஒன்று சரக்கு வேன் மற்றொன்று அவசர ஊர்தி போன்ற வாகனம், அவசரம் இல்லாத நிலையில் சாலையின் ஓரமாக நிறுத்தி வைக்கப்பட்டிருக்கிறது. இந்த சாலை நான்கு தடங்கள் (Lanes) கொண்ட சாலையாக இருந்தாலும், இந்த இரண்டு வாகனமும் சாலை ஓரத்தில் நிறுத்தப்பட்டு அந்த கடைசி தடங்கள் வாகன போக்குவரத்து செய்ய இயலாத படி முழுவதுமாக அந்த தடத்தை தடை செய்து விட்டது. அடுத்தது, பக்கத்து சாலையிலிருந்து பிரதான சாலைக்கு நுழையும் ஆட்டோவைக் கவனியுங்கள். வலதுபுறம் எத்தனை வேகமாக வாகனங்கள் வந்து கொண்டிருக்கின்றன? அது எதையுமே பொருட்படுத்தாது, அந்த ஆட்டோ ஓட்டுநர், இரண்டாவது தடத்தில் வேகமாக நுழைகிறார். பக்கத்து சிறிய சாலையிலிருந்து பிரதான சாலைக்குள் நுழைபவர்கள் நின்று, பின்னர் வலது புறம் பார்த்து, தாங்கள் நுழைவதால் எந்த வாகனத்திற்க்கும் தடங்கல் வராது என்பதை உறுதி செய்து கொண்டு நுழைய வேண்டும். ஆனால், இந்த ஆட்டோ ஓட்டுநர் எதையுமே சட்டை செய்யவில்லை. இந்நிலையில் அங்கே, இரண்டு இருசக்கர வாகனங்கள் விரைந்து வந்துகொண்டிருக்கின்றன. அவர்களுக்கு இணையாக, அரசு பேரூந்தும் விரைந்து வந்து கொண்டிருக்கிறது. விரைந்து வந்து கொண்டிருக்கும் இரு சக்கர வாகனங்கள் ஆட்டோ நுழைவதை சற்றும் எதிர்பாராமல், வலது புறம் செல்வதற்க்கு எத்தனிக்க, ஒரு வாகனத்தில் உள்ளவர் வெகு அருகில் வரக்கூடிய இரண்டு பேர் வரும் வாகனத்தின் மீது நிலை தடுமாறி விழ, அவர்களும் நிலைகுலைந்து அரசுப் பேரூந்து மீது விழுந்து இறந்தே விட்டார்கள்.

இது விபத்து என்று கருதப்பட்டு மூடப்பட்டுவிட்டது. இங்கு தப்பு செய்தவர்கள் யார் ? விபத்துக்கள் நடக்கும் இடங்கள் எல்லாம் கூர்ந்து கவனியுங்கள். சாலையை ஆக்கிமித்தும் வழி மறித்தும், சாலையின் உட்தடங்களை முழுமையாக மறித்தும் வாகனங்கள் நிறுத்தப்பட்டிருக்கும். இதனால், ஏற்படும் வாகன நெறிசலை, அந்த வாகனத்தின் ஓட்டுநர் பக்கத்தில் நின்று டீ குடித்துக் கொண்டே பார்த்துக் கொண்டிருப்பார். மேலே உள்ள சம்பவத்தில், சாலையை மறித்து நிறுத்தப்பட்ட அந்த இரண்டு வாகன உரிமையாளர்கள், மற்றும் வலது புறம் விரைந்து வரும் வாகனங்களைப் பொருட்படுத்தாமல் அலட்சியமாக உள் நுழைந்து விபத்தை ஏற்படுத்திய ஆட்டோ ஓட்டுநரும் கொலைக் குற்றவாளிகள் என்று கருதலாமா ? யாரோ அலட்சியமாக செய்யும் தவறுக்கு யாரோ இருவர் இறந்தே போய்விட்டார்களே. அவர்களைப் பெற்றவர்களும் குடும்பத்தாரும் எத்தனை வேதனை அனுபவித்திருப்பார்கள்? ஆனால், இந்தியாவில், இந்த குற்றவாளிகளாக கருதப்படலாம் என்பவர்கள் மீது எந்தக் குற்றமும் சுமத்தப்படாமல், ஜாலியாக தப்பி விட்டார்களே.

தேசிய நெடுஞ்சாலையிலேயே சாலையின் உட்தடங்களை வழிமறித்து லாரியையும், கார்களையும் நிறுத்துகிறார்கள். எத்தனை ஆபத்து மிகுந்தது என்று தெரிந்தும் இப்படி நிறுத்தும் கோர மனப்பான்மை கொண்டவர்களை என்னவென்று சொல்வது ?

சென்னையின் புறநகர்ப் பகுதிகளில் சாலைகள் மிக அகலமாக இருந்தும், சாலை முழுவதையும் பயன்படுத்த முடியாத அவல நிலை தான் காணப்படுகிறது. எல்லா பக்கங்களிலும் வாகனங்களை நிறுத்தி வைத்து சாலைகளை முற்றிலுமாக முடக்கி, ஒரு சிறிய வழியை மட்டும் விட்டுவிட்டு மிகுந்த நெரிசலை ஏற்படுத்தி வேடிக்கை பார்த்துக் கொண்டும் இருக்கிறார்கள். இதனால் பலருக்கு எரிபொருள் வீணாகி, செலவுகள் அதிகரித்து, அவர்களுடைய நேரமும் உற்பத்தி அளவும், பொருளாதாரமும் வீணாகிறது.

காவல்துறை அதிகாரிகள் இதை உன்னிப்பாக கவனித்து, வெறும் மைக் கொண்டு சொல்லிக்கொண்டே செல்லாமல், சாலையை மறித்து வாகனத்தை நிறுத்துபவர்களுக்கு பெரிய அபராதத் தொகை விதித்து கட்டுப்படுத்த வேண்டும். கல்லூரியில் இருக்கும் தன்னார்வ அமைப்புக்கள் போன்றவற்றில் உள்ளவர்களையும் இந்த சேவைக்கு பயன்படுத்தலாம்.

சாலை பாதுகாப்பு உயிர் பாதுகாப்பு.

யார் இந்த பிரஷாந்த் கிஷோர்? 2021 சட்டப்பேரவை தேர்தல் திமுகவின் அரசியல் ஆலோசகராக நியமனம்.

யார் இந்த பிரஷாந்த் கிஷோர்? 2021 சட்டப்பேரவை தேர்தல் திமுகவின் அரசியல் ஆலோசகராக நியமனம்.

அரசியல் வட்டாரத்தில் மிகவும் பரபரப்பாகப் பேசப்படுபவர் பிரசாந்த் கிஷோர். யார் இவர் ? இவரின் சாதனைகள் என்ன என்று பார்ப்போம்.

பீகார் மாநிலத்தில் உள்ள கோனார் என்ற கிராமத்தில் 1977 ஆம் ஆண்டு பிறந்தார் பிரஷாந்த் கிஷோர். பள்ளிப் படிப்பையும் பொறியியல் பட்டப் படிப்பையும் முடித்த பிரஷாந்த், குஜராத்தில் முறையான அலுவலகம் ஏதும் இல்லாமல் குஜராத் மாநிலத்தில் பாரதிய ஜனதா பார்ட்டிக்கு வேலை செய்தார். தன்னுடைய நுட்பமான திறமையினால், மிக விரைவில் அந்த கட்சிக்கு அரசியல் ஆலோசகராக மாறினார். ஒரு அரசியல் கட்சிக்கு தேர்தலில் வெற்றி பெறுவது முதல் நல்ல ஆட்சி செய்வது வரை பல்வேறு ஆலோசனைகளையும் வியூகங்களையும் அமைத்துக் கொடுக்கும் வேலையில் மிகத் திறமையானவராக வலம் வந்தார்.

அவருடைய முதல் பெரிய வெற்றியாக அமைந்தது, 2011 ஆம் ஆண்டு திரு நரேந்திர மோடி அவர்கள் மூன்றாவது முறையாக குஜராத் முதலமைச்சராக தேர்வு செய்வதற்கான பணிகளின் முக்கிய பங்களிப்பாகும். இதனால் 2012 ஆம் ஆண்டு திரு மோடி அவர்கள் மூன்றாவது முறையாக முதலமைச்சராக பதவி ஏற்றார்.

அதன் பின்னர் அவர் தனியாக சிஏஜி CAG (Citizens for Accountable Governance) என்ற நிறுவனத்தை நிறுவி, புதிய தேர்தல் பரப்புரை உத்திகளையும் வியூகங்களையும் கையாண்டு, 2014 ஆம் ஆண்டு திரு நரேந்திர மோடி அவர்களின் தலைமையிலான பாரதிய ஜனதா அரசு நாடாளுமன்றத் தேர்தலில் பெரும்பான்மையுடன் வெற்றி பெற்று பிரதமராக பதவி ஏற்க உறுதுணையாக செயல் பட்டார். திரு மோடி அவர்களின் தேர்தல் பரப்புரைக் குழுவில் மிகவும் முக்கியமான ஆலோசகராக இருந்ததாக “நரேந்திர மோடி: தி மேன், தி டைம்ஸ்” என்ற நூலை எழுதிய நிலஞ்சன் முகாபத்யாயே குறிப்பிட்டுள்ளார்.

பின்னர் திரு மோடி அவர்களின் குழுவிலிருந்து விலகி, சிஏஜி யை, ஐ-பேக் I-PAC (Indian Political Action Committee) இந்திய அரசியல் நடவடிக்கைக் குழு என்ற அமைப்பாக உருமாற்றம் செய்தார். 2015 ஆம் ஆண்டு நடைபெற்ற பீகார் சட்டமன்றத் தேர்தலில், பீகார் ஜனதாதள கட்சி நித்திஸ்குமார் அவர்களுக்கு ஆலோசனைகளும் வியூகங்களும் அமைத்துக் கொடுத்து அவர் மூன்றாவது முறையாக ஆட்சி பீடத்தில் அமர பங்களித்தார். தேர்தலில் வெற்றி பெற்ற பின்னர், நித்திஸ்குமார் பிரசாந்த் கிஷோரை தனது ஆலோசகராக நியமித்தார்.

பின்னர் இரண்டு முறை தொடர்ந்து தோல்வி அடைந்த பஞ்சாப் காங்கிரஸ் கட்சியின் அமரீந்தர் சிங் அவர்களுக்கு 2016 ஆம் ஆண்டு பஞ்சாபில் நடைபெற்ற சட்டமன்ற தேர்தலில் வெற்றி பெற வியூகம் அமைத்துக் கொடுத்தார். இந்த பங்களிப்பை பல காங்கிரஸ் தலைவர்கள் பாராட்டினார்கள்.

பின்னர் 2017 ஆம் ஆண்டு ஆந்திர பிரதேசத்தின் ஜகன்மோகன் ரெட்டி அவர்களுக்கு ஆலோசகராக நியமனம் செய்யப்பட்டு தேர்தலில் மிகப் பெரிய வெற்றிக்கு வழி வகுத்துக் கொடுத்தார்.

அரசியல் ஆலோசகராக, ஆம் ஆத்மி கட்சிக்கு 2020 ஆம் ஆண்டு நடைபெற்ற டெல்லி சட்டமன்ற தேர்தலில் பங்கு கொண்டு 70 இடங்களில் 62 இடங்கள் வெற்றி பெற்று மிகப்பெரிய வெற்றிக்கு வித்திட்டார்.

நித்திஸ்குமார் அவர்களின் குடியுரிமை சட்டத்திற்க்கான நிலையைப் பற்றி கருத்து தெரிவித்ததற்க்காக, சனவரி 29, 2020 அன்று, அவர் தனது கட்சியிலிருந்து பிரசாந்த் கிஷோரை நீக்குவதாக அறிவித்தார்.

இந்நிலையில் தான் பிப்ரவரி 3, 2020 அன்று, வரக்கூடிய 2021 தமிழ்நாடு சட்டமன்ற தேர்தலில் திமுக கட்சிக்கு அரசியல் ஆலோசகராக ஐ-பேக் பிரஷாந்த் கிஷோர் நியமிக்கப்பட்டுள்ளதாக அக் கட்சியின் தலைவர் திரு ஸ்டாலின் அவர்கள் தெரிவித்துள்ளார்.

எதிர்கட்சியாக உள்ள திராவிட முன்னேற்ற கழகம், பிரசாந்த் கிஷோர் அவர்களின் ஆலோசனையில் வருகின்ற 2021 சட்டமன்ற தேர்தலில் வெற்றி பெறுமா ? பொறுத்திருந்து பார்க்க வேண்டும்.

2020 இல் வர இருக்கும் புதிய படங்களின் அணிவகுப்பு

2020 இல் வர இருக்கும் புதிய பட அணிவகுப்பு

கலகலக்கும் 2020 சினிமாக் களம். மிகுந்த எதிர்பார்ப்புகளுடன் இந்த வருடம் வர இருக்கும் நட்சத்திரங்களின் படங்கள் அணி வகுத்து நிற்கின்றன.

விஸ்வாசம், நேர்கொண்ட பார்வை ஆகிய வெற்றிப்படங்களுக்குப் பின்னர் அல்டிமேட் ஸ்டார் தல அஜித் நடித்து வரும் படம் வலிமை. படத்திற்க்கான படப்பிடிப்பு முடிந்த நிலையில் இந்த படம் விரைவில் நம் திரைக்கு வர இருக்கிறது.

கலைப்புலி எஸ். தாணு தயாரிப்பில், மாரி செல்வராஜ் இயக்கத்தில் தனுஷ் நடிக்கும் படம் கர்ணன். தனுஷ் ஜோடியாக மலையாள ராஜிஷா விஜயன் நடிக்கிறார். இசையமைப்பாளர் சந்தோஷ் நாராயணன்.

டாக்டர் வேடத்திற்க்கு புதிய புத்துணர்வு கொடுத்திருக்கிறார் சிவகார்த்திகேயன். கோலமாவு கோகிலா படத்தை இயக்கிய நெல்சன் இந்த படத்தை இயக்குகிறார். அனிருத் இசையமைக்க பல பிரபலங்கள் இதில் நடிக்கிறார்கள். ஆக்ஷன், காமெடி, திரில்லர் என அனைத்து அம்சங்களுடன் திரைக்கு வர இருக்கிறது என்கிறார் இயக்குநர்.

சுதா கொங்காரா இயக்கத்தில் நடிகர் சூர்யா நடித்திருக்கும் படம் சூரரைப் போற்று. சூர்யாவின் 2D எண்டர்டைன்மெண்ட் இந்த படத்தைத் தயாரிக்க, ஜி.வி. பிரகாஷ் இசையமைத்துள்ளார். இது நடிகர் சூரியாவின் 38 ஆவது படமாகும். இந்த படத்தில் கேப்டன் ஜி.ஆர் கோபிநாத்தின் வாழ்க்கையில் நிகழ்ந்த சில சம்பவங்களை மையப்படுத்தி படத்தின் கதை உருவாக்கப்பட்டுள்ளது. இந்த படமும் இந்த ஆண்டு திரைக்கு வந்து வெற்றி பெரும் என்று பெரிய எதிர்பார்ப்பைக் கிளப்பியுள்ளது.

வெங்கட் பிரபு இயக்கத்தில் சிம்பு நடிக்கும் படம் மாநாடு. சுரேஷ் காமாட்சி தயாரிப்பில் அரசியல் கதையை மையமாகக் கொண்டு பல திரில்லர் காட்சிளோடு வரவிருக்கும் படம் மாநாடு. இந்த ஆண்டு இந்தப் படம் திரைக்கு வந்துவிடும் என்ற நம்பிக்கையில் ரசிகர்கள் உள்ளனர்.

லோகேஷ் கனகராஜ் இயக்கத்தில், பிகில் படத்திற்க்கு அடுத்ததாக விஜய் நடிக்கும் படம் மாஸ்டர். நடிகர் விஜய் மற்றும் விஜய் சேதுபதி நடித்த காட்சிகள் படமாக்கப்பட்டு வந்தன. வரும் ஏப்ரல் மாதத்தில் தமிழ்ப்புத்தாண்டு அன்று இந்த படம் திரைக்கு வர வாய்ப்பிருக்கிறது.

வெல்வட் நகரம், இடம் பொருள் ஏவல், லாக்கப், அசுரகுரு, ஜிப்சி, சண்டக்காரி, கபடதாரி, பென்குயின், மழையில் நனைகிறேன், அடங்காதே, நிசப்தம், இந்தியன் 2, தமிழரசன், கன்னிராசி, பூமி, அக்னி சிறகுகள், கடைசி விவசாயி, கோப்ரா, FIR, மிருகா, துப்பறிவாளன் 2, 4G, யாதும் ஊரே யாவரும் கேளிர் என்று பல புதிய திரைப்படங்கள் நம் திரையரங்குகளுக்கு வர இருக்கிறது. சினிமா நம் இளைஞர்களுக்கும் மக்களுக்கும் நல்ல பொழுதுபோக்கை அளிக்கக் காத்திருக்கிறது.

காசி மகாகல் எக்ஸ்பிரஸ் ரயிலில் முதன் முதலில் சிவபெருமானுக்கு ஓர் இருக்கை அமைப்பு

காசி மகாகல் எக்ஸ்பிரஸ் ரயிலில் முதன் முதலில் சிவபெருமானுக்கு ஓர் இருக்கை அமைப்பு

காசி மகாகல் எக்ஸ்பிரஸ் என்ற புதிய ரயிலை நேற்று ஞாயிறன்று பாரதப் பிரதமர் மாண்புமிகு நரேந்திர மோடி அவர்கள் காசியிலிருந்து துவக்கி வைத்தார்கள். இந்த ரயிலானது இரண்டு மாநிலங்களில் உள்ள மூன்று ஜோதிர்லிங்க சிவாலயங்களை இணைத்துச் செல்வதாகும்.

இந்த ரயிலில் உயர்தர சைவ உணவு வழங்கும் மிகவும் சுத்தமாகவும் ஆரோக்கியமானதாகவும் உள்ள உணவறை உள்ளது. மேலும் நல்ல படுக்கை வசதி, நல்ல பராமரிப்பு வசதி மற்றும் பயண காப்புத்திட்டம் என்று பயணம் இனிமையாக அமைய அனைத்து வசதிகளும் செய்யப்பட்டுள்ளதாக ரயில்வே துறை அமைச்சர் திரு பியூஸ் கோயல் தெரிவித்துள்ளார்.

இந்த ரயிலானது இந்தூர் அருகிலுள்ள ஓம்காரேஸ்வரர் ஜோதிர்லிங்க தலம், உஜ்ஜயினி மாகாளேஸ்வரர் திருக்கோவில் மற்றும் காசி விஸ்வநாதர் ஆலயம் ஆகிய மூன்று ஜோதிர்லிங்க தலங்களையும் இணைத்துச் செல்லும்.

இந்த ரயிலில் சிவபெருமானுக்கு என்று தனியாக ஒரு இருக்கை பதிவு செய்யப்பட்டுள்ளது. உலக வரலாற்றிலேயே முதன் முறையாக ஒரு ரயிலில் இறைவனான சிவபெருமானுக்கு ஒரு இருக்கை அமைக்கப்பட்டிருக்கிறது. இந்த இருக்கையின் மீது கோவில் படம் வரையப்பட்டுள்ளது. யாரும் அறியாமல் அந்த இருக்கையில் அமர்ந்துவிடக் கூடாது என்பதற்காக, என்று வடக்கு ரயில்வே செய்தியாளர் திரு தீபக்குமார் தெரிவித்தார்.

மெல்லிய தெய்வீக பாடல்களுடன், ஒவ்வொரு பெட்டியிலும் இரண்டு பாதுகாவலர்களுடன் அமைக்கப்பட்டுள்ளது. இதில் சைவ உணவு மட்டும் தான் வழங்கப்படுகிறது. மேலும், ரயில் முழுவதும் 3 ஆம் வகுப்பு ஏசி பெட்டிகளாக அமைக்கப்பட்டுள்ளது. வாரத்திற்க்கும் மூன்று முறை வாரணாசியிலிருந்து இந்தூர் வரை செல்கிறது.

தமிழ் இன்னும் இரண்டு தலைமுறைகளில் சாகும். ஆங்கில கலப்பின் அசுரப் பிடியில் சிக்கித் தவிக்கும் தமிழ்.

தமிழ் இன்னும் இரண்டு தலைமுறைகளில் சாகும். ஆங்கில கலப்பின் அசுரப் பிடியில் சிக்கித் தவிக்கும் தமிழ்.

இது நீங்கள் படிக்கும் இன்னும் ஒரு பதிவு அன்று. தமிழர்கள் ஆழ்ந்து சிந்தித்து மீண்டும் அலட்சியம் செய்து தூக்கத்திற்க்குப் போகாமல் உடனடியாக செயல்பட வேண்டிய தருணம் இது. இது ஒரு அபாய எச்சரிக்கை மணி.

இந்த சுய பரிசோதனையை இன்றே செய்து பாருங்கள். நீங்கள் ஒரு 5 நிமிடங்கள் பேசி அல்லது பேசுவதை உங்கள் கைபேசியில் ஒலிப்பதிவு செய்து கொள்ளுங்கள். நீங்கள் பேசுவதில் எத்தனை ஆங்கில வார்த்தைகள் எத்தனை தமிழ் வார்த்தைகள் இருக்கிறது என்று எண்ணிப்பாருங்கள். 30-40 சதவிகிதத்திற்ககு மேல் தமிழ் வருகிறதா என்று பாருங்கள். மீண்டும் ஒரு முறை ஆங்கிலம் கலக்காமல் பேச முயற்சி செய்து பாருங்கள். இன்னும் 10 சதவிகிதம் மட்டுமே முன்னேறும். பல வார்த்தைகளுக்குத் தமிழில் என்ன வார்த்தை என்றே தெரியாமல் திணறுவீர்கள்.

நாம் தமிழர், நான் திராவிடன், தமிழ் தொன்மையான மொழி, தமிழனா இருந்தா ஷேர் பண்ணு என்றெல்லாம் வீர வசனம் பேசும் நாம் வெட்கித் தலை குனிய வேண்டிய விடயம் இது. கடந்த பல பத்தாண்டுகளில், எத்தனை அரசியல் கட்சிகள் தமிழை வைத்து அரசியல் செய்து விட்டன ? தமிழை வைத்து சம்பாதித்து விட்டன ? அவையெல்லாம் நம் தாய் மொழி தமிழை வளர்க்க ஏதாவது ஒரு சிறு துரும்பாவது முயற்சி செய்தனவா ? ஆங்கில கலப்பை தடுத்து நிறுத்த ஏதாவது முயற்சி செய்தனவா ?

அடுத்த தலைமுறை அல்லது உங்கள் குழந்தைகளின் பேச்சை இதே பரிசோதனைக்கு உட்படுத்துங்கள். அதன் முடிவு இன்னும் அபாயகரமாக இருக்கும். நீங்கள் உங்கள் குழந்தைகளுக்கு தமிழ் சொல்லிக் கொடுக்க என்ன சிரத்தை எடுத்தீர்கள் ? உங்களின் அடுத்த தலைமுறைக்கு எத்தனை தமிழ் போதிக்கப்படுகிறது. தமிழைத் துறந்து பிற முக்கிய பாடங்கள் படிக்க வேண்டும் என்று மருத்துவர், பொறியாளர் என்று படிக்க வைத்தவர்கள் எல்லாம் இன்று மாதம் பத்தாயிரம் சம்பளத்திற்க்கு வேலை செய்யும் நிலை. பொறியாளர்களின் நிலையோ இன்னும் மோசம்.

இன்னொரு பக்கம் தமிழில் பேசுவதை இழிவாகத் தானே கருதுவது. உலகிலேயே யாருக்குமே இல்லாத வியாதி இது. உலகில் இருக்கும் அனைவரும் தங்கள் மொழியில் பேசுவதை மிகவும் பெருமையாக நினைக்கிறார்கள். ஆனால், நம் நாட்டில் மட்டும் இதற்குப் புறம்பாக இருக்கிறது. நம் தாழ்வு மனப்பான்மையை நன்றாகத் தூண்டி விட்டு, அதை பயன்படுத்திய பல காலம் அந்நிய ஆட்சி நடைபெற்றது. பல நூறு ஆண்டுகளாக நம்மை சீரழித்த அந்நிய ஆட்சியின் தாழ்வு மனப்பான்மையிலிருந்து நாம் இன்னும் மீளவே இல்லை. முக்கியமாக நம் இளைய தலைமுறையினருக்கு, வெளிநாடு படங்கள், கதை புத்தகங்கள் சிறந்தவை என்றும் நம் நாட்டு பொருட்கள் உப்பில்லாதவை என்று தவறான கண்ணோட்டம் புகுத்தப்படுகிறது. வியாபார நோக்கத்திற்க்காக நம் ஆட்களே இதற்குத் துணை போகிறார்கள். ஆகவே, இளைஞர்கள், தவறான பாதையிலேயே வளர்ந்து நம் சமுதாயத்தைச் சீரழிக்கின்றனர். வயது வந்து முதிர்வு வந்த பின்னர், தமிழில் பேச முயன்றாலும் முடியாத இழிவான நிலை. கேவலம்.

உலகிலேயே உயர்ந்த நூல்கள் இருப்பது தமிழில் தான். நான்கு வேதங்கள் இருந்தது தமிழில் தான். எண்ணற்ற நுண்ணிய அறிவுப் புதையல்கள் இருப்பது தமிழில் தான். இயல் இசை நாடகம் என்று பிரிவுகளில் தமிழ் வளர்ந்தது இங்கே தான். சங்கம் வைத்து தமிழ் வளர்ந்தது உலகிலேயே இங்கு தான். எத்தனை எத்தனை அரிய நூல்கள் ? இத்தனை நூல்கள் இருந்தும், நம் இளையவர்கள் கேக்ஸ்பியர் நாவல் பற்றி பெருமையாக பேசுவது எத்தனை இழிவான நிலை ? கொடுமை. தமிழின் வளர்ச்சிக்கு எல்லாக் காலங்களிலும் ஆட்சி செய்யும் மன்னர்கள் துணை நின்றார்கள். ஆனால், சனநாயக ஆட்சியிலோ, தங்கள் அரியணையைத் தக்க வைப்பதிலேயே மன்னர்கள் காலம் போக்குகிறார்கள். அப்படி நல்ல நிலையில் இருந்தாலும், அலட்சியமாக இதைப் பற்றி எதுவும் செய்வதில்லை.

தெய்வம் பேசிய தமிழ், தெய்வத்தமிழ் என்றெல்லாம் பெருமை பேசுகிறோம். அப்படி தெய்வம் தமிழில் என்ன பேசியது என்று என்றைக்காவது கேட்டதுண்டா ? அலட்சியமே நம்மை அழிக்கும் முதல் எதிரி.

ஆங்கில கலப்பை நீக்கிப் பேச நாம் என்ன முயற்சி செய்யப் போகிறோம் ? நம் மன்னர்களாகிய அமைச்சர்கள் என்ன முயற்சி செய்யப்போகிறார்கள் ? பேசுவதில் பலனில்லை. அவற்றை நடைமுறைப்படுத்தி மேம்படுத்தி சாதித்துக் காட்ட வேண்டும்.

ஒவ்வொருவரும் ஆங்கிலக் கலப்பு நீக்கி பேச முயற்சி செய்ய வேண்டும். பல ஆங்கில வார்தைதகளுக்குத் தமிழ் வார்த்தைகள் தேட வேண்டும். அவற்றைக் குறித்து வைத்துக் கொண்டு பயன்படுத்த வேண்டும். பழக பழக சில மாதங்களில் ஆங்கிலம் நீக்கி கட்டாயமாக நாம் பேச இயலும். சித்தரமும் கைப் பழக்கம், செந்தமிழும் நாப்பழக்கம் என்பது பழமொழி. நாம் ஒவ்வொருவரும் நம் வீட்டிலும், அலுவலகத்திலும், நட்பு வட்டங்களிலும், உறவு வட்டங்களிலும் ஆங்கிலம் கலவாத தமிழ் பேச முயற்சி செய்யுங்கள். உங்கள் அடுத்த தலைமுறைக்கு மறவாமல் நல்ல தமிழ் பேச எழுத பயிற்சி கொடுங்கள். நீங்கள் வீட்டில் அவர்களோடு நல்ல தமிழில் பேசினாலே, அது அவர்களுக்குச் சிறந்த பயிற்சி. அதை விட வேறு பயிற்சி தேவையில்லை.

இதோ அபாய எச்சரிக்கை மணி ஒலித்துக் கொண்டிருக்கிறது.